Մեր բնակարանում տատիկս աճեցնում է տարբեր սենյակային բույսեր: Ես հաճախ օգնում եմ նրան խնամել ծաղիկները, ջրում եմ երբ նկատում եմ չորացել է հողը, հեռացնում եմ չոր ու դեղնած տերևները, փխրեցնում եմ հողը:
Մենք ունենք ալոե-վեռա, մանուշակ, կալա, նոլինա, պալմա և այլ բույսեր: Երբեմն արևադարձային բույսերի կորիզներ ենք դնում ջրի մեջ, որ ծիլ տա և տնկենք: Միշտ չէ, որ հաջողվում է ապահովել անհրաժեշտ պայմաններ այդ բույսերի համար, և նրանք չորանում են:
Իմ բույսը նախագծի սահմաններում, ես ցանկանում եմ առանձնացնել մեր սենյակային բույսերից ալոե-վերան: Մայրիկս պատմում է, որ այն շատ օգտակար և բուժիչ հատկություններ ունի: Նրա պտղամսից տարբեր բաղադրատոմսեր կարելի է պատրաստել և օգտագործել մաշկի, մազերի և ստամոքսի համար:
Ալոե վերան հյութեղ բույս է: Այն ունի հաստ, կարճ ցողուն՝ սրածայր տերեւներով, որոնք պարուրաձեւ շրջված են վարդակի մեջ: Բույսի խնամքը շատ հեշտ է. ամռանը պետք է ջրել մինչ հողի չորանալը, իսկ ձմռանը՝ 25-30 օրը մեկ, գարնանը պետք է տեղափոխել թարմ հողի մեջ:
Ալոեի հյութն օժտված է մանրէասպան հատկությամբ, այն ազդում է ախտածին մանրէների վրա՝ ոչնչացնելով դրանք, համարվում է նաեւ հանքանյութերի եւ վիտամինների պահեստ:
Ալոե վերան արտաքին օգտագործման համար
Բուժում է խոցերը եւ էկզեման,
Հանգստացնում է մաշկաբորբը,
Հեռացնում է ակնեները, կորյակները,
Այրվածքների եւ ցրտահարության ժամանակ արագացնում է հյուսվածքների վերականգնումը,
Օգնում է երակների վարիկոզի ժամանակ,
Խոնավեցնում է մաշկը՝ շնորհիվ մեծ թվով ալանտոինի,
Նվազեցնում է կնճիռները, օգնում է վերականգնել մաշկի կառուցվածքը,
Հանգստացնում է միջատների խայթոցից առաջացած քորը,
Օգնում է ճաղատության, թեփի առկայության դեպքում, մեղրի հետ միասին վերադարձնում է մազերի կենսական ուժը,
Սպիացնում է վերքերը,
Օգնում է հարթեցնել հետվիրահատական սպիները:
Ալոե վերան ներքին օգտագործման համար
Ամրապնդում է իմունային համակարգը,
Կարգավորում է արյան մեջ շաքարի մակարդակը,
Կանխում է ստամոքսի խանգարումը, օգնում է կոլիտի ժամանակ, ազատում է այրոցից,
Ամրապնդում է սիրտը եւ բարելավում է արյան որակը,
Արտրիտի ժամանակ նվազեցնում է բորբոքումը,
Բարելավում է միզուղիների ֆունկցիան:
Վարդանյան Ալեք 