Ինչքան աշխարհը սիրես ու աշխարհով հիանաս

Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի.
Թե ուզում ես չսուզվել ճահճուտները անհունի —
Պիտի աշխարհը սիրես ու աշխարհով հիանաս:
Այնպե՜ս արա, որ կյանքում ո՜չ մի գանգատ չիմանաս,
Խմի՜ր թախիծը հոգու, որպես հրճվանք ու գինի.
Որքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի…

Առաջադրանքներ․

1․Բառարանի օգնությամբ բացատրել կարմիրով նշված բառերը և սովորել։

Ճահճուտներ-ճահիճ, ճահճոտ տեղ

անհուն-հուն չունեցող, անհատակ

թախիծ-տխրություն

հրճվանք-ցնծություն, ուրախություն:

2․Գրել, թե որ հոլովին են  պատկանում աշխարհով, անհունի, կյանքում, բառերը։

 Աշխարհով-գործիական հոլով

անհունի-սեռական հոլով

կյանքում-ներգոյական հոլով:

3․Դուրս գրիր 7 գոյական։

Աշխարհ,  ճահճուտ, թախիծ,  կյանք, հոգի, գանգատ, հրճվանք, գինի:

4․ Ինչի՞ մասին է բանաստեղծությունը, ո՞րն է նրա գլխավոր միտքը։ Պատասխանդ հիմնավորիր։

Այս բանաստեղծության գլխավոր  միտքը այն է, որ սերը ամենակարևորն է: Երբ կարողանում ենք սիրել աշխարըմ մարդկանց, բնությունը, ամենուրեք տեսնում ենք բարին և ստեղծում բարիք:

Որքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի…

5․Բանաստեղծությունը սովորել անգիր, ձայնագրել, տեղադրել բլոգում։