Վարդանյան Ալեք

Անտառում մի անգամ կախարդական ձյուն եկավ: Այդ կախարդական ձյունը ուներ բուժող հատկություն: Ով մի փոքր ուտեր այդ ձյունից կառողջանար: Եվ այսպես արջի քոթոթը, որ պատահաբար վնասել էր իր թաթը, ու այնպես էր ցավում, որ չէր կարողանում քայլել՝ հանկարծ լպստեց կախարդական ձյունը և նկատեց, որ էլ ցավ չի զգում: Նրա թաթը առողջացավ:
Նույն կերպ վագրերը; նրանք կռվի ժամանակ վնասել էին իրար և արնահոսում էին, բայց հետո երկուսով կերան կախարդական
ձյունը և հրաշքով երկուսն էլ լավացան:
Ափսոս մոտակա գյուղում և քաղաքներում եկած ձյունն էլ կախարդական չէր, որ մարդկանց ու երեխաներին էլ բուժեր:

Դավիթը ամանորից առաջ բոլոր երեխաների պես ձմեռ պապիկին նամակ էր գրել:Նա ձմեռ պապիկից խնդրել էր իր համար կարմիր ավտոմեքենա բերել: Նա խնամքով բոլոր երեխաների նվերները իր պարկի մեջ դրեց և ամանորի գիշերը սլացավ իր սահնակով նվերները բաժանելու:Երբ նա անցնում էր մութ անտառով, նվերներից մեկը՝ հենց Դվիթի նվերը ընկավ ձյան մեջ, քանի որ նա մոռացել էր կապել պարկը: Ձմեռ պապիկը այդպես էլ կորցրեց Դավիթի նվերը:

Դավիթը անհամբեր սպասում էր, երբ է ձմեռ պապիկը իր նվերը
բերելու: Ձմեռ պապիկը, երբ նկատեց կորցրել է նվերը, ստիպված ուրիշ նվեր բերեց Դավիթի համար: Դավիթը տխրեց, որովհետև ձմեռ պապիկը նրան բերել էր
աղջկա խաղալիք:

Լինում են, չեն լինում երկու ընկեր են լինում: Նրանք որոշում են թռչել լուսին և վերևից նայել երկիր մոլորակը:

Երբ նրանք հասան լուսին, զարմացան, թե ինչքան շատ աստղեր կան ու ինչքան բարձր են հիմա նրանք երկրից: Նրանք, փորձեցին ծառ տնկել լուսնի վրա, որ տեսնեն կաճի այն: Բայց նրանք չգիտեին, որ ծառը չէր աճի, քանի որ լուսնի վրա օդ չկա: Իսկ բույսերը առանց օդի չեն աճում:

Ես հինգ տարեկանից հաճախում եմ Մխիթար Սեբաստացի Կրթահամալիր և 3 տարի է, ինչ ես ՙՙսեբաստացի՚՚ եմ: Մեր ընտանիքում ես միակ սեբաստացին եմ: Ես շատ հպարտ եմ, որ սեբաստացի եմ:

Սեբաստացիներս շատ ավելի ազատ ենք, ինքնավստահ ու համարձակ: Մեր դպրոցը շատ է տարբերվում մյուս դպրոցներից իր նախագծերով:

Օրինակ մենք մասնակցում ենք ֆլեշմոբերի, աշխատում ենք համակարգիչներով, գնում հետաքրքիր արշավների, երգում, պարում, տեսանյութեր նկարահանում մեր ճամփորդությունների մասին:

Մեր դպրոցում սովորողները չունեն օրագիր, բայց ամեն սովորող ունի իր էլեկտրոնային հասցեն և ուսումնական բլոգը:

Ինձ շատ բաներ է դուր գալիս այստեղ: Օրինակ հենց դասասենյակները՝ լուսավոր, ընդարձակ, ապակեպատ, էլեկտրոնային գրատախտակով ու համակարգչով:

 Ընդմիջմանը կարող ենք հեծանիվ քշել, ունենք լողի դասեր, տաք եղանակին ունենք դրսում լողափ, հետաքրքիր սպորտային մրցումներ են լինում, բնագիտական փորձեր ենք հաճախ կատարում, պատրաստվում ենք բոլոր ծեսերին՝ ՙՙԹթուդրիկ՚՚, ՙՙԶատիկ՚՚ և այլն, այցելում ենք կրթահամալիրի ագարակ և շփվում ձիերի հետ, երկարօրյային շատ նոր բաներ ենք սովորում:

Ես շատ ուրախ եմ, որ ՙՙՍեբաստացի եմ՚՚ և սովորում եմ հենց այս կրթահամալիրում: